باب المعــــاتب یــروحی ســـــکری

شیــلی کاس ابنخب حــبی ســـــکری

انه احب مرض الی بیــــــه ســکری

چه شفایف ولـــــفی مثــله حالیـات

(حمید غــافل آلبوعبــادی)

لیلي إبلا سمـــــــر ویاک وحشای

حَـرَگ فَت مهجتي یاترف وحشای

هجـرک رمح صار او بید وحشای

اوهِنِد شماتي وزتّه علیه

عادل خلف الساري

لا شگر إمریکه مثلک لاســــــمر

لا بإلمغــــــــازل أمِلَک لاســــــمر

لا شفه جرحي إبغیابک لاســــــمر

إخلاف وصلک یبگه نازف للممات

عادل خلف الساري

ارید اندعی الشعبــی بشعــر شعبـی

یمن حبــک شعــاع الأمل شعبــــــی

یرب أحفــظ کــرامة هـاذ شعبــــــی

الحیــــاة ابلا کـــــرامه کفــــر هیـــه

(حسن عاشــــــــور)

شــاعر خابت احلامـــه ملحلام

المــحبه وگال نفعتنی ملحــلام

ابدال الـــــورد بستــانی ملح لام

وفتح جرح صبخة گیــض بیــــه

(حسن عاشـــــــور)

انـــــته وصــارمک ینــزرت یگــراب

ولا صــوبک مصیّت عزم یگـــــراب

من شطنــــه الیبس أیّسن یگـــراب

ولتگـــربن نـــهرنه الفگـــــد میـــّه

(مله فاضــل الســـــکراني)

حِط دلـة گهـــــوتک یخی بچلای

دَشوف إشلون لحظه إتفوح هیه

لأن جمــــر إلحشه لهاب بهواک

ولا یـبرد یظل للمـــــــــــوت بیه

عادل خلف الساري

رَبعي إلمـــــاس بیهم طبع ودر

او تفیض إلعین إلهم دمــع ودر

زَهَه إلحــــی إبعزمهم دوم ودار

شوصفهم و هُم شمس إلضحیه

عادل خلف الساري

مِن مثلي إلدمع نهــــــران کتله

علیل او بید ولفــــه یصیر کتله

صــــــایر لي إلقهر والظیم کتله

او حزبي إلیاس و إلهم و إلأذیه

عبد ألله ابونجم إلصابئي

جنوبیه ونظرها یفوح حنیه

أصیله وماخذه من الگاع سمرتهاالجنوبیه

جنوبیه وتهب(موال)وتنسم (أبوذیه)

ملیحه وملح ال بخدها ملح أرض(الفلاحیه)

جنوبیه وأنوثة صوتهاتسکت النفس هی حنینه

ومن مشاعرها الشعریحدی بقوافیه

جنوبیه و وهبها النخل طیبه وطعم برحیه جمیله

ومن محاسنها الحسن تجمل معانیه

جنوبیه وتسهراللیل لیلیه

جنوبیه وتسمع اللیل الف (موال)واغنیه

جنوبیه وتهزلیل الهوی بنسمات صیفیه

جنوبیه وتخبل اللیل وتهیم توالیه

جنوبیه وحسنها یلوح گمریه

أصیله ونابعه من الگاع طیبتها الجنوبیه

جنوبیه وتهل (موال)وتهلهل(أبوذیه)

ملیحه وملحت شعری وشعوری ومادرت بی…

(الشاعرعادل السکرانی ذوالعقده سنة 1417هجریه)

اغنــي وسمــع شنهو بیــه جـاری

جــار الوکت بیــــه بیـــــــه جـــاری

نهــــر انا وحبیـــبی بیــه جـــــاری

شــــنو حال النهــــر لو فگــد میــه

(حســــن عاشــــــور)

حگـــي الحللو اکله کلـــــونی

کلیت احگوگمن حتی کلـونی

إصبــح لون مــــوالی کلــــونی

باهت والأغــــانی انطفت بیه

(حسن عاشـــــور)

حــچي الحـگ شو غــده ایـــبز شــبه سـلّه

وحچـــي البـــاطل رطب وبــبطن ســـــــلّه

الیــــفهم لیش سیـــف الچـــــــذب ســلّه

ومـــله کاس المـــــــذلّه وشــــــرب میـــــّه

(ملــه فاضــــــــل الســـکرانی)

لاوین نصـبر یا گلب بسک صبــر بس ونســه

إنسه النساک ابلا ونس ونته الردت بس ونسه

أتوسلک ابرب الخلک موش الخلک بس ونسه

إنسه النساک ابلا ونس وسئل علی الونساوی

(مهدی ابو عبدالله الســــــکرانی)

اخذ گلبـــي اشلون متحب دله دله

وثـمر نخلاتــی عله کیفــک دله دله

کلمــن ایحبنی ویـــــودنی دله دله

تصب فنیان الرســوم الشـــامخات

(حســن عاشــــــــور)

ماخذ من موقع ادبنا

یصاحب مــــن غیابک علی تل هم
صرت اطحن صبر و الروح تل هم
مثــــــل ما تتله کتـــب الغیر تل هم
کتـــــــابی و رد علیـــه ابلا تحیــه
(الشاعرعبدالحسین الباوی)

علیه اجیوش نوب الوکت شانات

حرب بمبــــادل الزینــــات شانات

علی هینــات طگهن لچن شانات

احچایة صاحبی الرد حیل بیــــــه

(الشاعره سهــــام کعبــي)

علینه امغیمه ولهــــــوه شـــــرجای

وظن امن العـــدو یا خوی شـــرجای

من احبــابی وخلی بعـــد شـــرجای

وکت الضــیج مامـــــرو علیــــــــه

(کاظم ابو یحیی المطــــوری)

بس انــته بگیت المـــلک بابل

إبأرض إلذل تــنـــوخ عیب بابل

إلوفگ گـد ما عســم ویای بابل

إلفقـــروإلعـسـردلاهـن علیــــه

(الراحل وداعه البریهــــــی)